老麥$20餐回歸慳兩成
2009年12月30日 星期三
1月4日起，即下午5時至9時，全線麥當勞的巨無霸餐、脆辣雞腿包餐和豬柳蛋漢堡餐，將一律以＄20價發售。
原來十年前已經賣＄20，咁究竟第一次發明套餐時是賣多少個大洋呢？
心跳500天 (500 Days of Summer)
2009年10月24日 星期六
小品愛情故事，＜心跳500天＞為觀眾輕描淡寫現代愛情觀。故事男主角係一個對愛情極度憧憬既男仔；有一日係公司遇上女主角Summer，就認定佢係終身伴侶…
呢套係輕鬆既愛情電影，平淡中慢慢帶出故事。男主角由最初充滿幻想，慢慢變為對現實不滿，乃至鬧交收場，到最後一心以為大團圓，至發現女友已嫁為人婦！劇情起伏需不至意料之外，不過導演巧妙咁穿插時空，將兩人五百日相處既日子打亂，以交叉倒敍既形式組合故事，將日子當做標題，雖然時空交錯但毫無混亂既感覺。
故事帶出男主角愛情觀既謬誤：過份自我。一開始佢沉醉係愛情既甜美中，將一見鍾情既人當係終身伴侶，幻想自己係對方心中既地位，盲目地投入呢段感情…等到有一日突然醒來，發現自己所相信既愛情原來只係霧水一場，佢亦只不過係女友人生中一過過客而已－－不過，佢又可以怪邊個呢？即使女主角一開始就話只係不認真地交住，即使連小妹妹都睇得出佢過份理想化，可憐既男主角依然自我咁描畫美好既愛情幻想。直至最後，霧散去，夢醒來，主角亦都要返回現實；命中注定既愛情，聽起來好浪漫，之不過浪漫背後既實質相處，卻係由平淡既元素加起來支橕。結局係悲劇既苦？抑或係帶住領悟既新開始？
男女主角外型唔算突出，不過演出有喜劇感。最巧妙係好多細節既佈置，倒如換日子既畫面，以天氣黎映射男主角既心情，又或者間場既懷舊戲中戲，以誇張既手法表達男主角既幻想同女主角既吸引力等等，交織成賞心悅目既故事。
球員轉會站 : Winning Eleven > FIFA
2009年10月11日 星期日
(作者是愛華頓迷嗎？英超BIG4,獨欠利物浦)
FIFA力求創新, Winning Eleven 不思長進。此消彼長下，我決意放棄Winning Eleven，改投FIFA的懷抱。FIFA 實在一試難忘，難怪早在上年，FIFA巳在歐美超越Winning Eleven。
還沒有買FIFA的你，或者會說巳玩Winning Eleven多年，不會改。有十年玩Winning Eleven年資的我可以告訴你，轉投FIFA沒有適應問題。不同是FIFA系統更接近真實足球，無論節奏、碰撞都比Winning Eleven做得出色。在控制設定，更有一個叫"New Alternate"的選擇，射球傳球同Winning Eleven完全一樣。
除了採用Winning Eleven成功方程式之外，FIFA 亦加入自家的原素，除了極豐富的慶祝方法之外，還有極度華麗的盤球。我說話浮誇？你看一看片就知我沒說假。
跟朋友對戰足球遊戲，總比對電腦好。Winning Eleven連本地對戰都做不好，實太過份。那邊廂FIFA巳可以做到10對10的連線。
說了那麼久，你會買FIFA還是Winning Eleven？
來吧！穿上球衣加入我們吧！
附上:FIFA 10 VIRTUAL PRO accomplishment
http://forum9.uwants.com/viewthread.php?tid=8867521&extra=page%3D1&page=1
Monopoly 紙牌遊戲 - Deal
2009年10月3日 星期六
唔知確實gei推出時間，不過應該係呢年出gei合家歡紙牌遊戲Deal。係一個早左好幾日做節架晚上，同d表弟妹試玩左。一試愛上，第二日就走左去千色買，一百蚊有找，包一套咭，同埋一個令我好有想幻想架"洗牌器"...
講番呢個紙牌遊戲，比我最近玩過架"bang"同"三國殺"都黎得簡單，但係又不失大富翁買地收租架特色。遊戲目的地好鮮明，儲齊三套唔同顏色架物業牌就勝出。呢類型架遊戲，梗會有一d牌比大家諗諗計，做下戲既: 簡單如我的生日，向每位玩收番少少錢。邪惡少少呢，可以盜取或者強制交易去獲得自已想獲得架物業。至於邪惡之最，就係將對手辛辛苦苦組成一套物業牌，房子，酒店通通搶走既物業管理，瞬間扭轉局勢。
其實有方法可以令自已唔洗任人魚肉，比人攻擊架時候，你可以用作出反對遊戲咭黎阻止對方，但係對手都可以"反對"你"反對"佢，不過你都可以"反對"對手"反對"你"反對"佢.........................
Deal簡單易學，我諗比UNO難少少，況且唔少人對大富翁都有基本概念，好快上手。玩一鋪15分鐘左右啦( 有"站長"朋友請自行調整 )，3~4個朋友玩最好，唔洗等咁耐。對比起傳統大富翁，節奏明快好多，亦都可以更隨心所慾咁進行心面架計劃，運籌帷幄，嘿嘿。
後記:
首先，我以為個洗牌機要用電，買個陣我仲諗唔知佢跟唔2粒電芯呢?我洗唔洗買呢?呀洗牌機係咪好似抽六合彩咁有d野搞下搞下gei呢，會唔會彈爛架? 洗完會唔好可以好似睇賭神咁，有個長方型架盒，可以一張一張咁"卒"出黎................結果一開，得2舊梯型架膠...中間有一個好似冷氣機葉架"filter"，拎住咁搖............又嘈，又成日卡住，把鬼=.=" ...當盒啦..
中文 FAQ : http://www.discuss.com.hk/viewthread.php?tid=10094001
網上試玩 : http://uk.pogo.com/hotdeploy/uk/promotions/marketing/monopoly-deal/ Read more...
Super Street Fighter 4
2009年9月29日 星期二
Capcom現正在開發《街頭霸王4》續編 ~ 《超級街頭霸王4》，將會在2010春季登場XBox360! 在新集追加人物多達十人，其中確實包括:Dee Jay，跆拳女角 Juri及墨西哥飛鷹 ~ T Hawk 
哎~我才買了《街頭霸王4》不久，現在又出新集=_= 不怕！據稱巳買了《街頭霸王4》不用以全價賺買新集(也許是xbox的追加包)。另外，每次大熱的格鬥有新作的話，誓必掀起搶購joystick的熱潮，機迷記得早點買~
狂熱 ● 蘇打綠
淡淡的民風加上搖滾味道，歌詞尤如一首詩，成員皆來自音樂學校的畢業生的蘇打綠，實在近年音樂的清泉。哈！你看看他們的做形，實在是太典型的實力派樂隊(樣子做型實在不討好)。不過，我這個人著重是他們的才華。做音樂的人，別跟說他什麼結婚吸毒，我聽的只是音樂矣巳。
今日跟大家分享的，是蘇打綠四季專輯。夏日之狂熱!
Inglourious Basterds：電影味十足
2009年9月12日 星期六
香港譯做「希魔撞正殺人狂」 ，撇除劣拙既譯名唔講，單單係導演一個人已經夠哂號召力。
故事發生係二戰時期既法國，以章回式去展開；主線講一個猶太女子既復仇，同時亦有美國及英國特務既事蹟，一開始睇落毫無關係既故事，以一個反派既納綷軍官Landa貫通全場，幾方同時指向戲院一幕為最終目標。整齣電影佈局十分巧妙，主線峰迴路轉；女主角Shosanna企圖利用德國青年軍官既愛去達成復仇既目的，最後卻因為微妙既感情同軍官雙雙中槍而亡；Landa身為納綷既中堅人物，狠辣忠誠，辦事能力極高，但係到最後原來佢最精心安排既，係向盟軍投降換取榮華富貴；所有其他伏線最後都有交代，諸如安排俾希特拉死係「猶太神熊」手上，實在係發揮黑色幽默既極致。
運鏡手法亦都係電影突出既地方。最後一幕，戲院大廳裡面，各人心懷鬼胎之際，鏡頭卻係一氣呵成，跟隨女主角走下階梯去迎接青年軍官，又帶番去Landa出場去拆穿美軍們既詭計，毫無間斷，巧妙咁將觀眾帶入戲中。
女主角Melanie Laurent演既奇女子復仇味不俗，而且十分美艷，Brad Pitt稍為浮誇，但係戲中亦唔突兀；不過最突出既係演反派軍官Landa既Christoph Waltz，舉手投足自信十足，由頭帶到落尾都係最觸目既角色。
此片聽說乃係致敬作品，我冇睇過1978年既版本，不敢隨便下定論；不過以戲論戲，入場睇絕對係值回票價。
史上最強大富翁遊戲 Monopoly City Streets
玩具生產商「孩之寶」與網路公司Google聯手打做史上最強大富翁遊戲。以Google地圖當做遊戲板，買的地不再單單是一個國家或者一個城市，以是全球數百萬真實街道！
遊戲相當受玩家歡迎，推出數天大部份地段巳被玩家搶數一空。(在香港置業巳經難，估不到想在遊戲中實現也很難 =_= )。亦因為太多玩家的關係，頭一兩天主機(Server)運很相當。做任何動作也要等很久呢。
收購、興建，是這個不用擲骰子走路，不是回合制的大富翁中玩法。那些街道可以買？在地圖上，那些「藍色」路段是被他人買走的，「紫色」路段是還可以購買的，「紅色」路段則是由你所擁有的
哈，很吸引吧？這遊戲現在給玩家試玩4個月，以後會怎麼運作那就不得而知了。想玩？去這裡 http://www.monopolycitystreets.com
保頓 VS 利物浦 2009
2009年8月30日 星期日
英超開league！愛隊利物浦今季開季脫腳，三仗敗兩仗(搞咩鬼呀)。難得今晚十點開賽，不用白等到三更半夜。決定看看今季失去沙比亞朗素的利物浦會變成怎麼樣。
失去中場靈魂沙比亞朗素，利物浦的進攻節奏相當混亂。打快攻，慢！落後時進攻，急！同上季開季比簡直係半若兩隊。原本謝拉特同沙比仔一剛一柔，加上馬斯查查奴的防守，確是係利物浦中場鐵三角。不過，這巳成過去，我們的神奇隊長太熱血，有時侯實在太急進。唯有寄望意大利新援阿古蘭尼的表現....
講下兩個新援的表現：
1) 右閘格連莊臣(GJ)好對辦，右路攻力增強不少。
2) 希臘中堅質素有限。毛手毛腳的踢法增加不少輸12碼的風險。
希望利物浦快點找回狀態，重現強隊本色。
You will never walk alone!
Read more...
神人級格鬥家●梅原大吾
2009年8月23日 星期日
最近公司傳來一陣「街霸」熱。各同事都興致勃勃，忍不住手要"過兩招"。小弟並不是高手，不過對格鬥遊戲節奏之快實在令我著迷，所以就算輸也要玩。前天在家中上網找高手的戰鬥片段學習學習，無意間找到些關於真正的「街頭霸王」~ 梅原大吾（Daigo Umehara）的資料。
梅原大吾今年殺敗來自日本，韓國及美國冠軍，得到了2009年度街頭霸王4國際錦標賽(STREET FIGHTER IV International Tournament)冠軍，稱霸世界。
梅原大吾成名於04年「背水の逆転劇」一役，當時對手同樣是美國冠軍Justin Wong。梅原在最命危的時刻，展現出絕地大反攻的，在連續使出格檔而不失血的情況下，找緊時機使出超必殺技了結對手。
09年梅原再戰美國冠軍Justin Wong
日本冠軍Iyo（Dhalsim），相當難對付的"印度佬"。很強的封位能力。
柏林國際電影節2009 ：有趣味但編排差
2009年8月20日 星期四
八部風格迴異既短片，反映出八種文化，八地思愁。
近來每年仲夏既時間，百老匯電影中心都會有一系列獨立電影播映，主辦單位稱為InDPanda國際電影節，基本上都係播出獨立製作電影，可以去官方網頁參考一下。
今次睇既系列，能稱為非主流電影，主要從文化角度出發去拍攝，即使有戀愛題材，亦都唔係通俗既愛情故事，可以作為文化剪影既銀幕演出。獨立電影係製作上當然不能與商業電影相比，不過以天馬行空既題材，更能體會製作人既用心。
第一套「The Suffering of Mr. Karpf. The Birthday」（圖片由左至右上至下排列），有少少古早cult片既感覺，十分鐘只有男主角獨白，睇佢生日等待朋友祝賀既心情，由期待、失望，一下子又突然有爆滿既行程，趣味性慢慢浮現。
第二套「Oh, My God!」，三個女孩子對性高潮既疑惑；一般電影避而不談又或者係過份渲染既題材，呢套片透過三位外表天真無邪既小女孩，發表得恰到好處。
第三套「Aphrodite's Farm」，係八套裡面最有電影味既一套，不過觀其龐大既製作班底，似乎應稱為專業製作喇。主題並不深入，勝在有四五十年代電影既演繹風格，故事亦好完整。
睇左三套片，大概半個鐘既光境，正當明亮既畫面依然停留係腦海之際，鏡頭忽然一轉，播出一套極沉重既「The Illusion」。呢套片內容十分政治化，講述一個古巴藉女兒同佢搞政治而被逐既老爸，多年不見後既會面情形…應該話係表達女兒既心理狀況。全片一直都係偷拍既鏡頭，畫面模糊陰沉，觀眾只能以對白來猜度外間發生既事。當然，以咁既手法表達女兒對父親模糊既印象，係好入題－之不過時間過長（感覺上播左半個鐘），對白過多，畫面不足以表達故事內容，令到出黎既效果彷似發聲小說；雖然有內涵，亦不能忽略作為電影需要既元素，呢套片似乎玩得太偏峰了。
第五套「叢林灣」，新加玻既同志電影；不過形式上唔係一般人印象中情慾既電影，而係以紀錄片既形式，講述當時新加玻對同志既政策，當中亦穿插記者對主角既感情；題材稱得上新穎。做受歧視既小數族群，有苦自己知，零散既感情亦一樣苦。
第六套「Slaves」，一套CG紀錄片，由兩位蘇丹既少年講佢地做奴隷既經過。內容十分深刻，而CG雖然不能話靚，但係十分漫畫化而極具風格，表達做奴隷既小朋友生活既淒苦、被虐殺既震撼，係八套片裡面最令人印象深刻。
第七套「Jade」，描寫一個少女背男友偷食懷孕而忐忑不安既心情。畫面十分唯美，不過鏡頭十分零碎，而且大頭過份多，就算做為描寫少女心情變化，亦未兔過火了；相比之下肢體語言缺乏，對白也少得可憐，故事性唔夠，變左美麗既電子相薄。製作班底亦頗為龐大，而且有MPC支援，係獨立電影中既大製作嗎？
最後一套「Please Say Something」，十分超現實手法表達既現代愛情故事。表演手法同意念係十分新穎，不過CG技術低得可憐，十年前既電腦遊戲都有更好既畫面；而且音效整體上都十分尖銳，一般既觀眾根本冇可能接受，只能話太過前衛了。
睇完八套片，兩個鐘已過去，鬆一口氣感覺係：分開睇會好好多！正如標題所講，八套電影其實都好有特色，亦有其思想，雖然個別有不足既地方，整體仍具可觀性－只不過當八套片連續係兩個鐘頭內播出，中間既悶場對觀眾影響不可謂小，而太前衛既片作為壓鈾，只有令觀眾提早離場…
港人在清水寺潮玩「碌樓梯」?
2009年8月16日 星期日
"港人在清水寺潮玩「碌樓梯」?"，近日討論區火熱的話題，我想大家一定有聽聞過吧！沒有？不要緊，我略略交代一下。事件主角是網名為「文邪」的小學教師。
一名港人日前到訪當地的千年古剎清水寺時，興之所至玩起「碌樓梯」，從清水寺門外的石級「慢動作」地一路滾下來，並拍成短片放上YouTube 。事件被日本傳媒報道後，在港日兩地討論區引起極大爭議，有網民批評他不尊重日本文化和宗教、有損港人和中國人形象。看到這裡，大家的怒火冒出來了嗎？還沒有，看看他怎麼辯駁。
「您說我不敬？您說我無聊？您看不過眼？我就是我，我就是做想做的，我就是有我的信念。」「我敢見光，做某些人口中所謂的『戇居事』或醜事，由始至終我還不覺這段片有何問題，更為跟『民俗（族）面子』扯上關係而深感疑惑」唉~這件事正是香港公民教育的悲歌。俗語有云"入屋叫人，入拜廟神"。中國人是禮儀之邦？也許巳是一千前的事了。當時人全無悔意，實在枉為師表。"我就是我，我就是做想做的"，哼! 放什麼狗屁。人家在你祖先墳前踢球，你認為沒有不妥嗎？不知道？還想胡說八道，去問你娘親什麼是尊重。
香港人，認清自己的錯失，痛定思痛。別再樣事情發生了。 Read more...
街頭霸王 4
2009年8月15日 星期六
<<街頭霸王 4>>在XBox 360推出巳有一段日子。我對這遊戲第一個感覺是：是用3D模型模擬2D的格鬥遊戲，平面效果很一般。而且，一隻格鬥遊戲漲價至接近$400港元，那實在是太貴了。所以一直也沒意欲買這遊戲...
直至到在公司親身體驗這遊戲，我的想法才有180度的改變！
我最欣賞遊戲的水墨風格，估不到連格鬥中也有。用墨水去畫出拳的軌跡，用墨水去代表受傷時噴出的血，的確是一絕。另外，某些角色中在使用個別招數時，更會以3D立體動作來表達(eg. 360度大迴環摔撻 )。立體動作不旦沒有把拖慢格鬥節奏，反而令玩家滿足度大增。
格鬥篇
在單人模式，在不斷接力下總算去得到最後的關卡。那首領就是"藍色人" ( 我唔知佢叫咩名 )，人物設定上總覺得他跟保衛奇俠角色很相似。
在作戰上，什麼招都能用( eg. 印度人的長手攻擊，昇龍拳等等)。他是boss，多點招式也算了。但他的攻擊判定真是強度不得了。( eg. 屈到呢....頂 )
連結 : 街霸4全25名人物介紹1 @- Z; v' r1 f7 n+ D# M、街霸4人物出招表、街霸4全人物獲得方法
周圍食：山頂Spaghetti 360
2009年8月3日 星期一
友人上山頂，左揀右揀都入左去Spaghetti 360食，只因望落價錢不太貴，而且都有露天既位可以望下風景。入到去睇見裝備似曾相識，原來呢間就正正係Spaghetti House集團旗下。
餐牌型式同Spaghetti House如出一徹，款式比較多，有日式韓式等「潮食」，好唔好食我就無從評論喇，只係去意粉屋唔能夠期望佢俾到好好食既日式石頭鍋飯你掛。係侍應大力推銷之下，我地都選擇左好大路既二人套餐；二百幾蚊既套餐有酥皮湯、意粉、小食同埋一件Pizza，份量都可以。至於食物質素嗎？同意粉屋都相去無幾，討厭意粉屋既人就無謂去了。
酥皮湯，懷疑全世界既酥皮湯都係倒模出黎，味道係邊度飲都係一樣的。
小食係炸茄子，出乎意料之外既好，薄薄一層天婦羅炸漿，中間茄子炸得剛剛好，同沙津醬好配合。
Pizza係好薄果種（俾港人食會鬧「點解Pizza咁薄，都係Pizza Hut好o的」果種），口味依然係港式，三文魚子係好有咬口，不過配埋蒸到乾既蛋同火腿，食到人都乾。
意粉係黑松露雜菌意粉，感覺上係剛剛拎出冰箱既菌拎出黎煮咁，唯一優點係唔會太杰。
考慮到價錢，整體感覺不太壞，只係相信山頂有更好既選擇。附帶一提，呢間舖望山，入夜後望到既風景有限，不過黃昏睇到既落霞境好靚，早食飯的話記得拎露天位。
PIXAR ● UP (沖天救兵 )
2009年8月2日 星期日
我兩個月前講既UP，終於係上映既第二日去左睇啦。一個老人家(卡叔)同一個死肥仔(小飛)有咩好睇？答案係好好睇！故事既簡介唔想重覆，自己去yahoo睇。
成套戲創意十足，天馬行空。係美國鬧市，用汽球將自己成間屋用升上天，離開城市煩囂，飛去自己既理想國度，相信係唔少美國人的願望。
情，貫穿左成套戲。UP喚醒左被廿二世紀遺忘應有既家庭觀念。導演用左大約2~3分鐘，細膩交代卡叔同佢老婆「執子之手，與子階老」既溫馨生活(今次都係無對白，希望唔會比人話悶啦)。活力充滿，天真漫爛既童軍小飛。努力去做找返失去既父愛。係度唔想講太多劇情，留返大家自己探索一下。
講下behind the scene!
外國既動畫公司，好鐘意親身到實境去感受一下。目的當然係做出來動畫更迫真。今次都唔例外，導演彼德托達（Pete Docter）就同幾位動畫師去南美既委內瑞拉探索呢個傳說中的「仙境瀑布」。
而家套套電腦動畫都用3D技術，今次PIXAR都有用到啦。3D技術令到觀眾置身係立體世界。係另一方面亦有效可以阻礙盜版，因為除左戲院以外，可以做到3D視覺效果既地方實在唔多。
最後注意一點係UP既3D英語版可能會有字幕，影響到視覺效果。
Mister● 如果我是陳奕迅
鐘意聽band，我自己就幾鐘意聽 Mr. 呢隊band。最近係電台聽到佢地plug左首新歌"如果我是陳奕迅"。歌詞係小克既手筆。只要肯做「陳奕迅」複製人，就可以迷到眾生。呢個msg實在很有趣，某程度上都算係向Eason致敬。
「陳奕迅」對年青既香港人來講，代表住好多唔同既意思。「陳奕迅」就好似係唱得之人，天王巨星既代名詞咁。「陳奕迅」慢慢變做做一個icon。Facebook有個群組叫 陳奕迅的歌陪住我長大 ，入面都有唔少人架。
講到尾，有無人知首歌係Eason唱定Mr. 唱？
Guitar Hero 5 可使用Avatar夾Band
音樂遊戲Guitar Hero 5將加入一項新玩法, 就可讓玩家使用自己的Avatar進行遊戲, 與朋友一起夾Band演奏。遊戲更公佈了多條示範片段, 除了以下的一段外, 在Xbox LIVE賣場還有另一段片段下載。
往後大概會見到很多明星臉的Avatar了。
食晏在灣仔：越旺
2009年7月29日 星期三
蘭杜街係近來好受歡迎既食街。唔記得街名唔緊要，呢條街就係一間蝦麵店所在既街道；而呢間越旺就正正係蝦麵店鄰居既一間越南食肆。
午飯時間去到蘭杜街，原本一心想去食蝦麵店；見到呢間舖同蝦麵店一樣人頭湧湧，一瞬間令我雀雀欲試，所以就改變主意喇。雖則多人食既野唔一定好，只不過試一下無妨，大不了咪當係瞭解下白領們食晏既口味？
舖頭不大，走動空間有限；不過我敢話黎蘭杜街食晏既人唔會要有幾好坐掛？主打既係越南湯河，我自己冇試過，睇到隔離食緊既一碗，放左好多香葉係上面，上菜果陣已經香氣四溢，下次一定要試真佢。至於我叫既，係上圖影果碗，蕃茄湯底既生牛肉河粉。蕃茄湯底不錯，味道夠濃，只係稱不上好獨特－要係其他地方試到咁既蕃茄湯底唔係難事。河粉係大路既貨色，牛肉勝在夠多，而且係貨真價實既「生牛肉」，唔會有上菜已經熟哂既問題。相比起普通湯底既生牛河，呢碗既配料只有芽菜同生洋蒽，缺少左香草既輔佐，感覺遜色不少。當然，蕃茄湯似乎冇必要再配咁多香葉－只係要係香葉同蕃茄湯底二選一，我會認為選香葉該比較好。
呢碗麵食左三十六蚊，算得上物有所值，只恨冇試到清湯底既生牛肉河粉，只有以後再試喇。
食晏在筲箕灣：安利魚蛋粉麵
2009年7月25日 星期六
見高人寫飲飲食食寫得咁開心，等我又寫下先。為左慳錢，通常都係帶飯返公司食。比人笑做"帶飯仔"既我，一星期總有一兩日跟同事去食下飯既。前幾日就跟同事"打的"去左筲箕灣東大街食野啦~
去到門口巳經人頭湧湧，唔少白領同街坊都係門口等梗。好左唔駛等好耐就有位啦。同事話呢度出名既係切腩，當然要試一試啦。講到識食一定唔到我。係我媽媽既特訓下，我可以將食物歸類為"唔熟"，"熟"同埋"好食"。我諗今次既切腩，清得來又夠林，係好食既一類。
最後試左個好似叫做"多士奶多"既物體，係估唔到咁好食。外層個包夠熱，鬆化得來又夠脆，咬入去仲有凍牛油。真係好滿足。
食左一個滿足既lunch，charge足電下午又要返去做野啦~
所謂才女，哈哈哈哈
144頁的小說中，文字佔33頁，錯處竟多達109個，如果以內地出版圖書的標準「差錯率少於萬分之零點七五」審查，鄧小姐已成被告。
先撩者賤，打死無怨，之前直斥o靚模越著越少布，現在被群插都是咎由自取。
鄧小姐出身咪又係o靚模，只不過身材平平，做唔成乳模，現在玩夠唱歌拍戲，又來影影相，出本圖多過字的所謂小說扮才女，令人欽敬。
一臉歉意的 Stephy甫開腔即道歉說：「我真係好認真同大家講，好抱歉有咁嘅事發生，係一時嘅疏忽，自己唔識打字，第一次打國語拼音輸入法，係新學，好多同音異字出嚟，一時錯漏揀錯字，自己亦都太依賴校對，所以冇睇多一次先。」
鄧小姐真是一個作家，慌話連篇，不精國語，用什麼國語拼音呢，那麼清閑學輸入法，不如去練歌啦。
音樂人生 KJ : 細膩
2009年7月24日 星期五
今日專登走堂，同朋友睇一套泠門少少架"電影"，正確d黎講係一套記錄片 - 音樂人生 KJ
KJ 係指乜呢? 應該係指主角 家正 架英文拼音。故事主要講述 KJ小時候學琴同埋中學時期帶領同學參加比賽架故事。呢套紀錄片裡面對主角好多角度描寫，加埋主角多次剖白，觀眾可以了解到一個天才成長架心路歷程。導演比左好多地方比觀眾去思考，當中甚至有一段係成個銀幕黑晒，只係得音樂(我相信有人會以為個projector壞左, XD )。片裡面有一d位我幾中意，想同大家分享一下:
1. 天份
KJ佢細細個呢個音樂十一歲就去捷克同成班鬼佬合作 : 一個剷青左個頭架老積小朋友坐係鋼琴前面，而呢部琴就放係呢個樂團架中間位置，一班大人各自拎住樂器圍住佢彈，雖然我唔識大合奏排位個d野，但係憑排場可以想像出呢位小朋友對成個團有重要。我諗戲裡戲外架人都好認同,欣賞KJ架天份，片裡面亦都刻意剪出一段 : KJ跟隨住自已彈出黎澎湃音樂，忘形咁搖住佢小腦袋架同時，身後一位睇得好陶醉架音樂家亦露出會心微笑，我相信，觀眾面上架表情都會一樣^^
2. 討厭比賽
對於一個實力超凡架人，可能比賽考試呢d野對KJ黎講實在無太大意義，甚至討厭，佢追求的只有享受音樂。片中KJ帶領母校嬴左音樂比賽，但係佢唔認同身邊不停大叫勝利宣言架隊友，認為同學架團隊精神只係建基於比賽上面，並唔係佢想追求架人性。但係佢表達泠漠架同時，KJ架手指亦都跟隨住大家架口號，數住拍子，彷彿表達緊 : 我同你地追求目標唔同，相同的只有音樂
成套片雖然成日前前後後飛黎去有少少亂，但係成套片拍得好有力，值得一睇，但係有得播架映院唔多，場數亦都少，有興趣架朋友我諗要努力d撲飛啦^^
Facebook 音樂人生 page : link
預告片
食晏在灣仔：北京水餃皇
2009年7月22日 星期三
唔食燒味既時候就會搵下其他選擇。呢間北京水餃皇係謝斐道近盧押道，大大個招牌。水餃都合我心水，去馬。
一碗韮菜豬肉水餃十隻三十蚊。放湯不放湯任君選擇－不過要視乎邊位侍應招呼你，呢個係後話。咬開餃子，韮菜香味十分清勁，豬肉份量亦恰當。試過其他的，只有羊肉水餃比較特別，其餘都比唔上韮菜豬肉餃。
睇到酸辣湯賣相都不壞，好多人會叫。不過大熱天怕食辣，有機會再試下啦。
呢間似乎係北方人開既舖頭，有幾位侍應講話會有口音。其中有一位阿叔，老實得可愛。以下對話，發問既係同台一位OL小姐。
「我想食水餃，有乜推介？」「韮菜豬肉水餃。」
「其他呢？」「其他都唔好食。」
「咁…要韮菜豬肉水餃。」「放唔放湯？」
「有乜分別？」「你地食慣放湯。我地唔放。」
「唔…」「快O的！」
「好啦，要放湯既…」
同台有兩位北方同胞，叫左二百幾隻餃子，仲有酸辣湯、小菜、豆漿等等。阿叔二話不說，俾兩兜冇放湯既餃子佢地。一種餃子，兩地食法。希望唔好有一日係Openrice見到有人寫話，「呢間舖連放餃子既湯都慳…」
五天工作週 VS 公眾假期條例
2009年7月18日 星期六
故事係講生於2006年既"五天工作週"同埋係1998年出世的"公眾假期條例"。
由政府帶頭推行既"五天工作週"，相信係打工仔福音。佢令到打工仔可以"減輕工作壓力，提高家庭生活質素"。相信好多打工仔都好鐘意佢。我識認既"五天工作週"，就係打工仔只係需要返星期一至五，星期六日就放下假咁。一個星期有2日休息下梗係好啦，夠休息先可以有精神做野麻。
講起<<公眾假期條例>>，可能無咩人識佢。但係我地打工仔可以放假都係靠曬佢。簡單來講佢令你可以"星期日放假"同埋有"補假"。就係"補假"？即係如果聖誕節(12月25日)係星期日的話，咁公眾假期就改為翌日咁拉。
大家諗下佢地放埋一齊有咩問題？無錯。問題就係"補假"！既然返工都係星期一至五，點解要訂Ｄ公眾假期係星期六？可能有人會話，咁計埋Ｄ小數目啦。兩日就算啦。事實係2009同2010年，17日公眾假期假期中，就有成有5日係星期六啦。
放梗星期六日的打工作，見到Ｄ公眾假期咁定法。唔知會唔會覺得無奈呢？
你估呢件事多Ｄ人知，政府會唔會做Ｄ野呢？
2010年公眾假期
http://www.gov.hk/tc/about/abouthk/holiday/
星期六日 ＝ 壞天氣 ？
負能怪四眼仔：唉，打波先黎落雨。唔通連個天都唔鐘意我？
樂觀既高佬：咪咁啦，聽日會好天架啦～
負能怪四眼仔：你又知聽日會好天？
樂觀既高佬：希望在明天嘛！（帶著自信同微笑）
負能怪四眼仔：聽日巳經係星期一，要返工ｂｏｒ
樂觀既高佬： ．．．．．．
呢排個個星期六日, 唔係打風就落大雨。點解唔可以係weekday打下風同掛黑球既呢？唔通香港政府巳經研究到點控制天氣？你睇下，照預計圖，颱風莫拉菲(Molave)小姐係星期日同我地最親近。跟住星期一佢就會走，阻唔到我地返工啦... orz!
新股北京金隅（02009）
金隅配股及公開發售資料
全球發售股份數目 933,333,000股H股（視超額配股權行使與否而定）
香港發售股份數目 93,334,000股H股（可予調整）
國際配售股份數目 839,999,000股H股（可予調整及視超額配股權行使與否而定）
超額發售部份 139,999,500股
公開發售後總股數 3,733,333,000股
超額配售行使後總股數 3,873,332,500股
發售價格 每股發售股份介乎5.18-6.38港元
08年往績市盈率（全面攤薄） 7.74倍-9.54倍
截止日期 2009年7月22日（中午12時正）
定價日期 2009年7月23日
上市日期 2009年7月29日
保薦人 UBS瑞銀投資銀行
入場費3222.19元
HSBC
新股認購優惠，手續費全免(只適用於網上認購)
新股認購貸款，貸款年利率1.88%
食晏在灣仔：燒臘檔
2009年7月16日 星期四
話說短短半年既「署男」生涯，因為同同事食飯喜好太不同，養成左自己食晏既習慣。一個人食飯缺點係唔食得多野，不過食晏本來就唔會食太多，不構成問題；反而係一個人，去邊度搵位都易，而且可以依心情隨便選擇，係享受自由既快樂時間。
我本身喜歡食燒味。係灣仔要食燒味，當然就閃出「再興」既招牌。我唔敢扮識食，而且呢個招牌應該都好知名，只能講，今日小民跟隨大眾口味，來朝拜一番喇！
叉鵝瀨一碗，盛惠廿二蚊。湯底好甜，唔知是粟米還是魚的香味，食唔出。什麼叉燒肉很爽，燒鵝肉香甜，不贅述。反正就係值得一試。順帶一提，底下仲有一層叉燒同幾舊鵝，好抵食呀。
順帶一提，服務非常好。當然唔係五星級果種有人斟茶遞水既服務－係欣勤貼心既服務，冇一般燒臘店果種「西口西面」既侍應同斬料師傅。
題為「燒臘檔」，仲有其他可以講。除左再興，小署附近其實仲有幾間。有間叫雙喜既，係謝斐道，午飯時間亦都係大排長龍。我比較單調，依然係食叉鵝瀨。
水準過得去，我自己嫌燒鵝切得太大舊了。盛惠廿二蚊，亦都係抵食既。
呢間雙喜處於人流極多既地方，午飯時間去的話人山人海，絕對坐得唔安樂，阿姐亦都好唔客氣地趕你走－我個人對於呢一點無意見，去燒臘店從來唔幻想太多－不過同場有好多大叔係度抱怨阿姐態度差勁。
其餘選擇似乎唔多，灣仔白領不愛燒味嗎？
Transformer 2 : 迷失科技中
2009年7月15日 星期三
一部電影大製作係乜？以前講靚人靚景，而家加多樣高質素CG畫面。只係咁多。
巧合既係，拍一部寫真集既要求亦係一樣。
推論：有一日周秀娜出本本地三大CG公司做後期製作既寫真，絕對有望衝入荷里活市場。
===============================
回歸正題，睇變型金剛第二集，期望應該放係邊度呢？佢絕對稱得上係大製作，極浩大既場面，驚天動地既劇情背景，極高技術既CG畫面…至少係畫面上，能夠給予觀眾極度滿足。
只不過，步出戲院之後，除左套戲好靚，又會有咩印象？
呢套戲有幾個重點可以講。首先就係戲既最大賣點：動畫技術。動畫技術之高固然無容置疑，只不過當見到一個俏美眉係主角面前幻化成一個未來戰士，當見到盜寶既變型「飛蛇」變身既時間比最後決鬥既時間仲要長，又或者當睇足九十分鐘既華麗爆破場面發現導演依舊樂此不疲，我開始會問：會唔會賣弄得過火了？技術背後並沒有劇情支橕，根本同推一隻短片collection去show off技術冇分別。至於男女主角無謂既拋胸場面，係CG畫面中突圍而出，只能話好忠實地保留荷里活大片既傳統。
第二樣要講既係劇情。對於英雄救地球既片，係唔應該對劇情抱太高期望（好似蝙蝠俠咁深刻既劇情，係好特殊既例子） ，但係始終有基本要求。係變型金剛二入面，各種伏線都冇好好處理，主角解謎既主線過份兒嬉，主線裡面男主角既心理冇好好發揮固然可惜，各種支線支離破碎更加令人摸不著頭腦；諸如狂派捉男主角既父母去引主角，果個陷阱未免太易就解決左喇掛？拜倫同佢既兄弟既恩怨可有可無…種種問題，主要係劇情拍得冇力，令到浩大既劇情只得空殼；而剪接手法亦問題多多，令場面十分混亂，更加追唔到劇情。
再者，就算我可以對「大美軍救人類」呢種自我中心既思想放下成見，亦都難免要懷疑，戲入面過份誇大美軍既重要性了？既然可以一炮打倒建造派，一開始用十支炮將狂派同果個高科技搖控器打爆，豈不是一了百了！何苦要咁多變型金剛出黎用功夫去打倒狂派？
第三係期望既問題。姑且放下一切批判既眼光，以一個變型金剛支持者既身份去睇呢套戲。問題少年又來了：拜倫同佢既兄弟係古神媽？點解男主角迴光反照會係天堂見到佢地？狂派幾時變成Terminator（仲有條脷）？爵士同果幾架電單車點解只係花瓶角色？諸多問題，我估問到天光都未問完。
以上報告係基於「一般電影院」睇到既版本。聽說IMAX會有比較完整既版本，或者期待Director's Cut DVD，會有比較完整既劇情掛？
====================
Trasnformer2 DVD同周秀娜寫真，你會揀邊樣？
參考文章：睇下大超點睇呢套戲。
IMAGI●時空冒險記
2009年7月14日 星期二
今日睇blog睇睇下見意馬係02年的作品《時空冒險記》，偷返來放下先。
仲有薛凱琪唱的主題曲tim~
無聽過意馬？佢係一間香港為基地球(至少我係咁諗)的電腦動畫公司，近年仲做埋荷利活電影。作品有07年的《忍者龜》同今年10月上的《亞童木》。
IMAGI官方網站
http://www.imagi.com.hk/web/main.php?lang=eng
三則NBA轉會消息
2009年7月12日 星期日
感覺就像當年公牛簽下洛文一樣，阿泰完全可以專心奪回他的最佳防守球員了。
速龍可以給什麼慢金油呢？一堆遠程炮手聚首一堂。
暑假搶手貨終於空降波士頓，目標明確，輕輕鬆鬆當個後備殺手，向冠軍進發。
PlayFish 新搞作 - Crazy Planets
無耐之前，好多office開緊Restuarant City人數可能仲多過用緊Ms Word..其實"Who has the biggest brain", "Pet Society" 等等大受歡迎架遊戲都係一間叫PlayFish公司出
最近佢地又有新野玩啦，Crazy Planets!
遊戲主要係比玩家拎住各種weapon，係唔同架星球打機械人
你仲可以..
1. 用你架朋友一齊作戰
2. 升級/開發weapon
3. 幫你自己個星球扮靚靚
Feeling :
我自已玩左頭幾關，主要都係較岩角度用槍/手榴彈打機械人，不過好似易玩得濟噃，勝在有唔同地圖，唔同mission~睇住d腦又時傻下傻下打中自己友，又或者無啦啦好神準整個洲際飛彈你嘆，都可以令你會心微笑^^ 唔知呢隻紅唔紅得起呢? d公仔幾得意架
本地足球●觀塘紫鯨 FC
唔講你唔知，係好多年前，香港有個人係英國頂級聯賽踢波架。佢叫做亞香─張子岱。
今日睇開forum，先知原來有好多local自己搞既足球。其實香港鐘意踢波既人唔少，如果有人支持下。我諗可以香港足球可以搞得旺盛d架。
有Ｄ日本足球職聯味道的會章
忍唔住要分享下 "觀塘紫鯨 FC" 的波衫設計
最近好hit 的 Roller Babies
2009年7月11日 星期六
ＢＢ玩溜冰？無錯，咁得意既ＢＢ加上強勁既節拉，換來係youtube錄得 800萬點擊。廣告用左motion capture技術，令溜冰高手既動作就轉換到ＢＢ身上啦。創意加CG技術，做出來的視覺效果，讚！
會心微笑既廣告，又點只得一個。
同場加映吉百利的戚眉戚眼小兄妹。
變形金剛 狂派再起
2009年7月8日 星期三
不出所料，特技果然好唔錯。節奏緊湊，但故事就真係好唔得。就咁睇導演Michael Bay 鐘意美軍多過變形金剛啦。美軍出場仲多過變形金剛，又講美軍報陣點叻點叻。爵士同力捷打仗時只係無靈魂咁亂射幾鎗。
講下 3 個 睇到 "爸爸聲" 既位先：
一) 索囡完來係狂派？
呢個二秒既close-up shot, 係導演特登請 Digital Domain 幫手做的。用左 5 個人做三個月先做成。效果係好勁，但問題係變形金剛幾時可以變做人架？ 而家睇未來戰士咩!?
二) Oh My God!?
講到主角千辛萬苦拎到救柯柏文既鎖鑰，點知途中比人炸到差d死。係佢昏迷的時候，竟然有一幕主角見到元始金剛的一幕。個感覺就好似見到天父咁。大佬呀，明明講緊d科技野，無啦啦出幕咁的野，想點呀？
三) 合體？
唔知係咪合體合傻左，連天火同柯柏文都要合體，真係Ｒ曬頭。跟住兩下手勢就搞掂左 Fallen 同 Megatron，打BOSS都咁就實在太簡單啦。（其實 Fallen, Megatron同 Starscream隻色太似，我都唔知那隻比人打死左）
據情報，一般電影院睇到的變形金剛係未完成版本。要睇完整版就要入ｉＭａｘ睇啦。
索囡變身情報
http://gizmodo.com/5305809/why-just-2-seconds-of-transformers-2-took-3-months-to-complete?skyline=true&s=x
Digital Domain官方網站
http://www.digitaldomain.com/
Coco before Chanel: 名牌背後的…愛情故事
2009年7月6日 星期一
成功人仕的愛情故事都是悲哀的。這話不能套用於所有成功人物，不過係電影裡面出現既，大部份都係淒美既故事，是觀眾口味一種指標。
少女香奈兒電影既故事，將香奈兒既發跡史輕輕帶過，重點落係Coco與Balsan同Boy糾纏不清既感情世界裡面。同一般荷里活片唔同，呢套戲有佢清淡既氣質，冇將佢地既愛情刻劃得天昏地暗如歌如詩，係平淡如水既畫面中俾觀眾感受香奈兒既內心世界。
飾演Coco既柯德莉塔圖，係香港都好多人認識了；歲月係天使愛美麗容貌上添左幾筆，不過風采尤在，帶住幾分堅毅既神情，都有角色既神髓。演Balsan既...sorry肥叔叔我冇興趣，演技係不錯的。至於演Boy果位男演員，眼神好迷人…不過太迷人了，成齣戲就係賣弄迷人既眼神，over了。
故事最後一幕，我認為拍得很好。Chanel時裝展大受歡迎，Coco著住華麗既衣飾，坐係銀光閃閃既樓梯上，鏡中倒映出沉思既佢，住事一幕一幕浮現眼前…又有如輕煙，煙消雲散。
TrueAchievements - Xbox 360 Achievement Tracking
2009年7月5日 星期日
作為一個XBoxer，呢個網真係要去一去，登記做會員，漂亮的介面，資料齊全，遠勝於官方的會員區。樓下是小弟的首頁，入會後要加我到朋友列喔。
http://www.trueachievements.com/zhaion9.htm
英軍雙箭曼聯見
從前打winning選英格蘭屈機的組合，來季曼聯見，奧雲仔變奧雲佬，就來三十壽，不知利記的死忠粉絲對呢位前前前利記鋒將加盟死對頭紅魔鬼有什麼意見呢？
http://zh.wikipedia.org/w/index.php?title=迈克尔·欧文&variant=zh-hk
毒到震既〈變形金剛〉
2009年6月28日 星期日
( 轉自 www.idwpublishing.com )
Transfomers既電影好收得，帶動左周邊產品。老實講。套戲就無咩劇情架啦，不過由ILM(Industrial Light + Magic)做既特技依舊好有睇頭。
細路仔有的玩具，都不外乎車仔同機械人。我就最仲意變形金剛啦！變形金剛最煞食的地方，當然係變形啦！我中毒的事係由我細路仔時開始的，仲記得以前成日拎住亞媽買比我既救護車(好似叫力捷)四周圍碌。
由於我孤寒同埋無位放(巳經有10隻係公司)既關係，巳經好耐無買Transformers的玩具。呢期睇中左係XBOX推出的《Transformers: Revenge of the Fallen》。行行下又可以變車變飛機，諗起就正啦。聽講仲可以好似 Gear of War 咁上網同人 4 打 4。如果GamePlay同Game Balance做得好的話，真係要買！有無人試過？有的要report下啦~
官方Trailer
更詳細的GamePlay介紹：
最尾仲要比我見到我最愛的"建造派"(Devastator)，真係毒到呢~~~~~~~~~~~
( 轉自 www.aridiwrites.com )
訂閱：
文章 (Atom)